Դաստակերտի միջնակարգ դպրոց

Մայրության և գեղեցկության օր

Մայիսի 9th, 2018

Սիրելի կանայք, Դաստակերտի միջնակարգ դպրոցի կոլեկտիվը
շնորհավորում է Ձեզ Մայրության և գեղեցկության տոնի առթիվ:

Այս տոնը մեր մայրերին, քույրերին և կանանց մեծարելու, նաև գնահատանքի խոսքեր հղելու ևս մի հաճելի առիթ է: Կնոջ ամենաբարձր կոչումը՝ մայրությունը, մեր ժողովրդի համար միշտ եղել է սրբազան: Բոլոր մայրերին մաղթում ենք արժանավոր և հպարտություն ներշնչող զավակներ,առողջություն,երջանկություն,խաղաղություն,
ընտանեկան ջերմություն, կանացի հավերժ հմայք ու երիտասարդություն:

Ոչինչ չի մոռացվել…

Ապրիլի 24th, 2018

             Այսօր Դաստակերտի միջնակարգ դպրոցում կազմակերպվել էր հիշատակի ցերեկույթ՝ նվիրված Մեծ եղեռնի 103-րդ ամյակին:

Խոսվեց հայ մտավորականության, հայ ժողովրդի և նրանց ողբերգական վախճանի մասին:

Ցերեկույթի ընթացքում հնչեցին Կոմիտասի ստեղծագործություններից:

Ասմունքեցին հատվածներ Պարույր Սևակի «Անլռելի զանգակատուն» պոեմից:

Խոսվեց ինքնապաշտպանության մարտերից, հատկապես Վանի, որը լավագույն ձևով դրսևորվում է Գուրգեն Մահարու «Այրվող այգեստաններ» վեպում:

Զեկույցով հանդես եկավ պատմության ուսուցիչ Ա. Լազարյանը               Հատված զեկույցից

-Այսօր, երբ 1915թ.ահավոր ջարդերի և տեղահանության պատմությունն ենք սերտում, մի հարց մեզ մտածել է տալիս, ինչ՞ու  հայերը հնազանդվեցին թուրքերին և կոտորվեցին: Ինչու՞ չպաշտպավեցին: Գոնե կարող էին զենք վերցնել և կռվելով մեռնել: Չէ՞ որ այդպես մեռնելը ավելի պատվավոր կլիներ: Տեղին են այս մտածումները: Բայց փորձենք հասկանալ իրավիճակը և ապա դատենք մեր ուզած ձևով:

Հիշենք, որ 1914թ-ի  աշնանից սկսած, զորահավաքի, պատերազմական պատրաստությունների, ընդհանուր զինաթափումի և ձերբակալությունների փուլերով, կառավարությունը կարողացել էր հայությանը քայքայել, զրկել ղեկավարությունից և երիտասարդ ումարտունակ տարրերից: Իսկ տեղահանության հանգրվանում, եթե հայերը ընդդիմանային հրամանին, կպատժվեին՝ հենց տեղում կոտորելով:

Դիմադրության ոգին թուլացել էր նաև ողջ մնացած ղեկավարների մոտ: Մի շարք հեղափոխական ղեկավարներ վախենում էին այդ վտանգավոր օրերին հեղափոխական քայլերի դիմել և ժողովրդի ճակատագրի հետ խաղալ: Պահպանողական ղեկավարները և որոշ կղերականներ հավատում էին, թե պետք է հնազանդվել՝ կառավարությանը չգրգռելու համար: Նրանք անցյալի կոտորածներն էլ հեղափոխականների գործունեությանն էին վերագրում:

Այնուամենայնիվ, որոշ վայրերում հայերը կարողացան դիմադրել:

Հայոց ցեղասպանությունը կանխամտածված ծրագիր էր: Իսկ պատերազմը աշխարհի ուշադրությունից շեղում էր այդ ծրագրի իրագործումը:

Հայերի տեղահանությունն ու կոտորածը պատերազմի հետևանք չէին, ինչպես պնդում են թուրքերը: Տեղահանությունը միայն արևելյան, ռուս-թուրքական սահմանին մոտ պատերազմական գոտիներից չէր կատարվում, ինչպես պատճառաբանում էր թուրքական կառավարությունը, այլ ամբողջ երկրի տարածքում՝ Պոլսից մինչև Զեյթուն ու Հալեպ:

Ա. Լազարյան

Շաբաթօրյակ

Ապրիլի 15th, 2018

Աշխույժություն է տիրում Դաստակերտի միջնակարգ  դպրոցի բակում:Բոլորն անչափ ոգևորված են: Ավլում, մաքրում և գեղեցկացնում են դպրոցի բակն ու շրջակա տարածքը:

Մաքուր Հայաստան

(շարադրություն)

      Անչափ գեղեցիկ է Հայաստան աշխարհը: Ես շատ եմ սիրում  ամեն մի քար, որն ունի երկար պատմություն: Գեղեցիկ են սարերը, լճերը, գետերը, լազուր երկինքը, որ կարծես հեքիաթ լինեն: Սիրտս ցավում և անսահման տխրությամբ է լցվում, երբ հեռանում են իմ քաղաքի՝ Դաստակերտի բնակիչները:

    Գեղեցիկ է Դաստակերտը: Հայաստանում մի փոքրիկ անկյուն:Բարի են այստեղ մարդիկ,  աշխատասեր և համախմբված: Շատ են չարչարվում. զբախվում են հողագործությամբ և անասնապահությամբ:

    Այսօր շաբաթօրյակ է մեր համայնքում: Բոլորն ուրախ են և ոգևորված: Անսահման եռուզեռ է տիրում քաղաքում. մի խումբն ավլում է, մի խումբը ծառատունկ է կատարում, մյուսը՝ տեղափոխում է աղբը: Մենք  էլ մաքրում ենք մեր դպրոցի բակն ու շրջակա տարածքը: Ուրախ ենք և ոգևորված:  Այս ամենը հզոր, անպարտելի, անկրկնելի մեր հայրենիքի՝ Հայաստանի համար է:

Ես ուրախ եմ, որ ապրում եմ այս լուսավոր երկրում և նրա քաղաքացին եմ:

                                                                                      Գրիգոր Մինասյան

 

                         Նկարներ «Մաքուր Հայաստան» խորագրով

     

                   Նկարներ «Մաքուր Հայաստան» խորագրով

 

 

 

 

Մայրենիի օր

Ապրիլի 9th, 2018

Փետրվարի 21-ին անցկացվեց միջոցառում՝ նվիրված մայրենիի օրվան:

Գրական-երաժշտական ցերեկույթի ժամանակ աշակերտները արտասանեցին մայրենիին նվիրված,հայրենասիրական բանաստեղծություններ:

Հանդես եկան զեկուցումով:Յուրաքանչյուր աշակերտ համալրեց պատի թերթը լեզվի մասին  ասույթով: